Illegal bLoGGing

Hindi mapakali sa pagkaka-upo ang binatilyo habang minamasdan ang
nilalang na umiindayog sa harapan.

Sa bawat pilantik ng balakang ng babaeng hubad
ay nararamdaman niya ang paghagibis ng daloy ng dugo
doon sa hayop na may ulo subali’t wala namang utak.

Subali’t naudlot ang makamundong aliw nang magtama
ang paningin ng stripper at ng bagitong parokyano.
Ang tunay na kahubaran ng pagkatao ay nabakas sa
kalungkutang ipinapahiwatig ng nagsusumamong mga mata.

At ang binatilyo ay tumayo,
tumakbong palabas mula sa bahay-aliwan
at nangakong hindi na muling babalik pa.